Freedom Flotilla: A Turning Point on a Long Path

الأربعاء، 10 مارس، 2010

مدونة لصوت إسلام أون لاين: لماذا؟


تأسست مجموعة صوت إسلام أون لاين بمبادرة من مجموعة من العاملين في الموقع، إحتجاجا على توجهات وسياسات الإدارة الحالية لجمعية البلاغ الثقافية في العاصمة القطرية الدوحة.

إن أكثر مايقلق صوت إسلام أون لاين هو أن الإداره الجديدة لجمعية البلاغ قد أعطت لنفسها الحق في التدخل في السياسات التحريرية للموقع بصفتها ممثلة للممولين القطريين لشبكة إسلام أون لاين. كما قامت بإقصاء الصف الإداري الأكثر انفتاحا ومهنية وتفريغهم من سلطاتهم. بل وهددت إدارة جمعية البلاغ بنفسها وعن طريق ممثليها في القاهرة بإغلاق صفحات وتسريح عاملين.

كما جاءت التطورات الأخيره والدور المشبوه الذي يلعبه الدكتور عاطف عبد المغني لتأكيد مخاوفنا حيث قام باتخاذ الخطوات التاليه:

(1) وقف أى تعيينات جديدة وهو أمر سوف يعيق استمرار العمل في الموقع

(2) تسريب أنباء عن عدم تعيين الموظفين الذين هم في فترة اختبار وبالطبع يشمل هذا القرار كل من تم تعيينه في فترة الثلاثة شهور الأولى بحيث أن القانون يعفي الشركة من أية إلتزامات مادية إذا تم تسريحهم بعد فترة الإختبار

(3) خفض ميزانية بوفيه الشركة للنصف

(4) خفض ميزانية النظافة في الشركة

(4) رفع مصروفات حضانة الشركة

كما علمت مجموعة صوت إسلام أون لاين بإستقالة إثنان من العاملين في القطاع الإنجليزي إحتجاجا على الأوضاع الراهنة وعلى التخبط الإداري الموجود بسبب العقود واستجابة المسئولين في الموقع للضغوط التي يمارسها الدكتور عاطف.

إن الظروف التي تعيشها شبكة إسلام أون لاين دفعتنا إلى إنشاء مدونة "صوت إسلام أون لاين" لتكون منصتنا الإعلامية المعبرة عن آراء المجموعة ولإتاحة المعلومات لكل العاملين كما سننشر هنا كل بياناتنا الصحفية وما تنشره وسائل الإعلام عن الموقع.

إننا نرفض الإنقلاب على مهنية إسلام أون لاين وعلى وسطيته وتنوع محتواه كما نرفض قطع أرزاق العاملين بلجان التطوير وإعادة الهيكلة، لذلك سيرتفع صوت إسلام أون ولاين من أجل حقوقكم.

ونطلب من المسئولين في الشركة (مديرين ومديري قطاعات) عدم الإستجابة لأى قرارات تضر بالعاملين كما نطلب من العاملين في الشركة إرسال أى معلومات أو شهادات لديهم إلى "صوت إسلام أون لاين" على البريد الإلكتروني: islamonline.voice@gmail.com


مع تحيات مجموعة صوت إسلام أون لاين
مجموعة من العاملين في الموقع

هناك 30 تعليقًا:

  1. ربنا يخلصنا من الادارة الجديدة اللي عايزه تخربها

    ردحذف
  2. مين اللي إستقال من الإنجليزي؟

    ردحذف
  3. لا تعليق

    ردحذف
  4. يا جماعة متكبروش الموضوع وتديلوا اكبر من حجمة كل ده هيضرنا لا قدر الله وحصل فعلا واتفورنا مش هنلاقى مكان نشتغل فيه علشان بقينا المتسرحين واخوان مسلمين وناس بتاعة مشاكل نحاول نهدى شويه
    احنا مش عايزين كلام فى الهوا 2 استقالوا من الانجليزى علشان مش راضيين بالوضع هم مين الاتنين دول اساميهم ايه
    وبعدين نفرق بين حد استقال وحد سرحوه ساعتها كلنا هنقف معاه
    انتوا كده بضروا اكتر ما بتنفعوا

    ردحذف
  5. عقبالي انا كمان واستقيل

    ردحذف
  6. صفحه علي الفيس بوك بأه كمام وافضحونا اكتر و اكتر

    انا عايز اعرف انتو صعبان عليكو الموضوع يهدى شويه ولا ايه

    لما يسرحونا هنبقى نقولكو ان شاء الله

    ردحذف
  7. والده طفله بالحضانه10 مارس، 2010 1:26 م

    يا جماعه بطلوا كدب واهدو شويه وبلاش تلفيق
    الحضانه كده كده فلوسها ما بتدخلش للشركه وبتتصرف على نشاطات الحضانه واحتياجتها وكمان ما غليتش زى ما بتقولوا ولانى متاكده من كده يبقى كل اللى مكتوب مشكوك فيه

    ردحذف
  8. الزملاء الاعزاء

    أسجل أعتراضي معكم علي سياسة الادارة الجديدة الغير مفهومة والقرارات الغير مبررة بالمرة.

    ولكن لي اعترض أكبر علي النبذ بالالقاب كما يتم مع د/عاطف فهذا ليس من أخلاق الاسلام...

    ردحذف
  9. على فكرة انتوا فعلا مش خايفين على الناس الشغالة هنا شكلكم فرحانين باللعبة دى والفضايح على الجرايد ونقعد ناكل فى بعض وننشر غسيلنا قدام الناس كلها مين خد ومين نهب انتوا لو فعلا عندكم رسالة زى ما بتقولوا مكنتوش عملتوا كل ده

    ردحذف
  10. أنا مش شايف أي لازمة للمدونة أو لتضخيم الموضوع أو للثورة، لما يبقي فيه قرار نبقي نأخد موقف

    ردحذف
  11. احنا مالنا بالحضانة والنظافة وميزانية البوفيه احنا مش لينا مرتب نقبضه اخر الشهر ومواصلات متوفره لينا ماهو مش اكل وبحلقه ولاهى فعلا تكية ومال سايب زى ما الناس بتقول يخلوا الحضانة ببلاش وياخدوا من مرتباتكم ساعتها هترتاحوا

    ردحذف
  12. ياريت بقا بنصف التكاليف التانية اللي اتخصمت من البوفيه يجيبوا لب وسوداني للي هيسرحوهم يتسلوا فيه في البيت عشان أكيد بطريقتكم دي هيطولوا كتييييييييييييير في البيت

    ردحذف
  13. واحد من العاملين10 مارس، 2010 1:36 م

    انا موافق على وصف عاطف بأنه عاطف تفوير. تاريخ الراجل ده في اى مكان بيشتغل فيه هو فعلا تصفية العاملين وانا عندي معلومات عنه وبحاول اكملها في الوقت الراهن. الراجل ده مهمته الاساسية تصفية العاملين والدليل على ذلك تعليقاته اثناء وجود لجنة الإستماع وتاريخه ناصع التفوير والهدم. اقترح اسم عاطف/ هدد

    ردحذف
  14. مصلحة حكومية - فين الكاتشب10 مارس، 2010 1:53 م

    الشركة مش ملكية لينا اينعم الحمد لله ان رسالة الشركة بتتوافق مع قيمناورسالتنا بس مش معنى ده اننا نقعد ونحط رجل على رجل ونتدخل فى سياسات عليا وافتكر يا موظف ده (اذا فضلت موظف ومعتقدتش انك هتحتفظ باللقب ده كتير بسبب ان صوت العرب او صوت اسلام اون لاين ناوى يخلى سيرتنا على كل لسان )انك بتمد ايدك اخر الشهر وبتقبض حق تعبك وشغلك واحنا مش شغالين فى حكومة

    ردحذف
  15. يا صوت أسلام أون لاين أشكركم على إيجابيتكم ولكن
    من فضلكم راعو وأنتقوا الكلمات وبلاش التنابز بالألقاب ؛ وبلاش استفزاز ؛ كلما تكونوا واقعيين وأصحاب رسالة واضحة ومعقولة هاننجح .

    ردحذف
  16. هل مثل هذه الأمور هي ما تحبون أن ينقل عن إسلام أون لاين تخفيض ميزانية البوفية أو ميزانية النظافة
    المعارضة الحقيقية لا تكون معارضة على طول الخط، ولكن في الأمور المحورية
    وفي ظل الأزمة الاقتصادية لا ينكر أحد على إدارة أن تراجع بنود صرفها وتخفض ما يحتاج التخفيض منها
    وأنتم بذلك تعطون ذريعة لمخالفيكم بسطحية مطالبكم وتضعفون موقفكم
    خاصة وأن هذه أول رسالة على مدونتكم، ولا يليق أن تكون عن ميزانية النظافة والبوفيه، وأنا لكم والله ناصح

    ردحذف
  17. واحد زهق منكو10 مارس، 2010 2:11 م

    هو ليه ماحدش من المناضلين بيرد على التعليقات
    مش دول الموظفين اللي بتتكلمو باسمهم

    ردحذف
  18. مطلوب كوافيرات10 مارس، 2010 2:12 م

    يعلن مشغل بارعة النسائي عن فرص عمل لكوفيرات متخصصات في تزيين العرائس
    الدولة / المدينة : المملكة العربية السعودية , الخرمة (الطائف)
    الهاتف أو الفاكس : 0556556865
    البريد الإلكتروني : knk990@hotmail.com

    ردحذف
  19. الانبوبة بكام دلوقتى10 مارس، 2010 2:26 م

    والنبى حد يدلنى انتوا بتبيعوا صابون وزيت ولا انابيب البوتجاز بس

    ردحذف
  20. الادارة الجديدة يجب ان تكون اكثر حكمة

    ردحذف
  21. عليه العوض و منه العوض10 مارس، 2010 2:35 م

    عليه العوض و منه العوض في رجالة اسلام اون لاين طبعا مش كل الموظفين لكن معلش اللى عايش علشان بس يأخذ في
    آخر كل شهر الكام ملطوش يبقى الله يرحمه و من المؤكد لنه لو خايف من التسريح اوي كدة يبقى اكيد هيتسرح ..يا جماعة الرزق بتاع ربنا لو مكتوب يتقطع عيشنا هيتقطع على الاقل نسيب المكان بشرف بعد ان نكون دافعنا عن مهنتنا كصحفيين محترمين لهم ثقف حرية يعملون فيهو لا نخضع لإملاءات خارجية لتحويل الموقع الى سلفى متطرف ارجو الناس تفكر لبعيد شوية و تسيبها من مسألة الفلوس دي عيب اوي والله يبقى ده شغلنا الشاغل و على فكرة انا اؤيد صوت اسلام اون لاين هما اللى خلوا لجنة الاستماع تيجي و خلوا الناس اللى في قطر يعبرونا و يعملولنا قيمة بعد ان ظلوا لشهرين مش عايزين يردوا على كافة الرسائل المرسلة بالتوقيعات على المسلم أن يكون فطن و رزقي و رزقكم على الله

    ردحذف
  22. صوت الكذب والافتراء والشائعات

    باسم الله والحمد لله والصلاة على رسوله
    هذا الكلام المنشور على المنتحلين لصوت إسلام أون لاين، فقد دخلت بنفسي للجنة، فلم يكن أي شيء مما ذكروا، وهذا محض كذب وافتراء، وما لهذه الشائعات جئنا إلى هنا، اتقوا الله وارعوا مصالحكم، إن الذين يفترون على الله الكذب لا يفلحون.أسأل الله أن تكفوا عن هذا الهراء، وفحش القول، وأدعو الله لنا جميعا بالتوفيق والسداد.

    ردحذف
  23. واحد من العاملين10 مارس، 2010 2:59 م

    سوف ارسل لصوت إسلام أون لاين الملف الكامل لعاطف واطلب منهم فتح ملف أسود للإدارة الحالية لجمعية البلاغ. وأتهم جمعية البلاغ بأنها جمعية سيئة السمعة فيما يخص تمويل المؤسسات الإعلامية.

    نرفض ربط إسلام أون لاين بطموحات من يملكون بروة العقارية وهذا ملف اسود آخر

    ردحذف
  24. لن أقول لكم جميعا سوى (أحيييييييييييييييييه)

    ردحذف
  25. أزال المؤلف هذا التعليق.

    ردحذف
  26. السلام عليكم

    لدي رسالتين:

    الأولى للإدارة الجديدة

    التطوير شئ مطلوب و ضروري في أي مكان حتى لا يصصاب بالترهل و تصبح الحركة أبطئ... و لكن, أسلوب الحكمة و الهدوء و التقييم بمصداقية و الإحترام المتبادل هو أفضل الطرق للتطوير حتى لا يتحول المترهل لمقعد أو مشلول تماماً و لذلك فهذه نصيحتي كأخ لكم في الله لأننا كلنا نعشق إسلام أونلاين الذي نراه من أفضل المواقع على الإنترنت...
    أعانكم الله

    ثانياً: للقائمين على هذه المدونة

    نبل الأهداف و سمو المقاصد شئ و اللي بيحصل في المدونة دي شئ آخر... أنا معترض على المدونة دي و على أسلوبها فكرتها من الأساس...

    ده أسلوب غير مقبول و بإختصار "نوع من الردح الإليكتروني"...

    يعني بصراحة, إيه السبب اللي يخلي الكلام ده يتنشر بره الشركة؟؟؟ مش دي أسرار إحنا مؤتمنيين عليها؟

    و بعدين بصراحة الأسلوب ده بيخسركم أكتر ما بيفيدكم... إفشاء أسرار و تنابز بالألقاب و هيبقى اللي ما يشتري يتفرج...

    لحد دلوقتي ما حصلش أي حاجة من الكلام اللي بيقتال و حتى أغلب التعليقات معترضة على المدونة و أسلوبها و ده إستباق للأحداث بشكل غير مبرر...

    بصراحة, الأسلوب ده بيخلينا عاملين زي اللي على راسه بطحة...

    فيها إيه لما يحصل إعادة تقييم و تطوير للوضع؟ هل إحنا خايفين على أماكنا؟؟؟ هو لو ربنا كاتب لنا إنقطاع الرزق من هنا, هل هنقدر نوقف قدره؟ بلاش الله يكرمكم يبقى منظرنا زي اللي بيداري على بلاويه!!!...

    أنا موظف في إسلام أونلاين و أعلن بكل صراحة إعتراضي على هذه المدونة و أهدافها لأنها تضر أكثر مما تنفع و يوم أن تنقشع هذه العتمة, فسترجع الأمور للهدوء و لكن لن نستطيع إيقاف ما ستتناقله الألسنة عن الأسرار التي يتم إفشاؤها بهذه الطريقة...

    السلام عليكم

    ردحذف
  27. استجابت مجموعة صوت إسلام أون لاين للتعليقات الرافضة لوصف عاطف عبد المغني ... وقمنا بحذف الصفة. وسنستمر في ممارسة كل الضغوط الإعلامية على الإدارة الجديدة.

    الأخ العزيز أنس: تم التأكد اليوم من كل القرارات الموجودة على المدونة. أثبتت التجربة أن كل الإشاعات تتحقق وأن لهذه الإدارة أهداف وأجندة خاصة. الدليل عليها بياناتهم الصحفية وقرارتهم الأخيره وما قاله عاطف نفسه للكثير من الزملاء في لجنة الإستماع.

    نحترم رأيك ونقدره ولكننا نرى أن إسلام أون لاين مؤسسة كبيره وتعمل في النور ولا يوجد بها أسرار طالما نعمل بشفافيه .... ونرفض قطع أرزاق الناس لأى سبب وتحت أى مبرر.

    صوت إسلام أون لاين

    ردحذف
  28. رلارلارر

    ردحذف
  29. اشكر صوت إسلام أون لاين على جهدهم المحترم ...وردي على الزملاء اللي بيقولوا ننشر الغسيل أقول لهم مين اللي نشر الغسيل مش مجلس الادارة اللي عمل مؤتمر صحفي واتهم المديرين أنهم كانوا بياخدوا اكثر من مديرين في القاهرة والدوحة طب انا عارف ان مرتب هشام جعفر ومحمد زيدان وتوفيق غانم واشرف الصفتي لم يتجاوز15 الف جنيه في الشهر في مقابل رؤساء تحرير جرائد واقعة في مصر بتاخد على الاقل 20 الف جنيه شهريا ودي مش مسألة بسيطة ...نقطة تانية
    ليس لدينا مشكلة في التمويل حتى نقوم بسياسة ترشيد وندخل الحمامات مش نلاقي ورق تواليت عيب اوي يا عاطف ....

    محمد بدر السادة قال ان التطوير يستلزم ان ناس تمشي وهاندي كل واحد حقه اذا كان بياخد شهر مكافأة هانديه 6 اشهر فرد عاطف تفوير الهمام هانشوف وهايكون لها ترتيب.....
    معنى الكلام ان اسلاام اون لاين لن يكون موقعا وسطيا ليس مدرج على اجندة حركة او تيار او اتجاه بل سنراه يمدح ويقول وسلم لي على جزر القمر اللي بهوات بروة واخدين هناك شغل وطلبوا ان ننزل موضوعات عن جزر القمر واللي مش مصدق يسأل قسم نماء والاخبار وهو يعرف الحقيقة

    ردحذف
  30. واحد من العاملين11 مارس، 2010 12:17 ص

    تصورا أن إسلام أون لاين الذي لم يعمل لرئيس أو تيار معين أصبح يعمل لحساب رجال أعمال لديهم أعمال في جزر القمر ولأنهم الممولين ننشر ملف عن جزر القمر ونضعه على الصفحة الرئيسية فجأه.

    يا جماعه فوقوا، الموضوع مسألة وقت ومش هيحتاجوا مكتب القاهرة.

    ردحذف